Ամերիկյան և կանադական օվկիանոսագետները Կալիֆոռնիա նահանգի
ափամերձ գոտում հայտնաբերել են մի սպիտակ կետի, որը կարողանում է մարդկային
ձայնը նմանակել, ասվում է Current Biology ամսագրում հրապարակված
հոդվածում:
«Մեր ուսումնասիրությունները ցույց են
տվել, որ կետը ստիպված է եղել փոխել իր ձայնալարերի աշխատանքի ձևը,
որպեսզի արձակի ձայներ, որոնք նման են մարդկային խոսքին: Այսպիսի ակնհայտ
ջանքերը վկայում են այն մասին, որ կետը փորձում էր շփում հաստատել մարդկանց
հետ»,- հայտարարել է օվկիանոսագիտության խմբի ղեկավար Սեմ Ռիջուեյը:
Ռիջուեյը
և նրա գործընկերները դիտարկել են մի քանի սպիտակ կետերի և դելֆինների
կյանքը, որոնք բնակվել են ԱՄՆ Սան Դիեգո քաղաքի շրջակայքում: Նրանք
պարբերաբար սուզումներ են իրականացրել՝ ուսումնասիրելով կենդանիների
անհատական առանձնահատկությունները և վարքը:
Նման
սուզումներից մեկի ժամանակ ջրասուզորդը լսել է անակնկալ հրաման «դուրս
լողա»: Երբ նա վեր է բարձրացել և հարցրել, թե ով է նրան խնդրել դա անել,
նրա գործընկերները չափազանց զարմացել են այդ հանգամանքով:
Գիտնականները
ենթադրել են, որ այդ հրամանը կարող էր կետանմաններից արձակված լինել: Նման
տարօրինակ վարկածը ծնվել է շնորհիվ այն բանի, որ 1984թ. Ռիջուեյը այլ
գիտնականների հետ սկսել են նկատել, որ դելֆիններով և կետերով բնակեցված
ակվարիումի մոտից մարդկային ոչ հստակ զրույց հիշեցնող ձայներ են լսվում:
Գիտնականները
մի շարք դիտարկումներ և ուսումնասիրություններ են կատարել ջրավազանի
տարբեր բնակիչների հետ և պարզել, որ նման տարօրինակ ձայների աղբյուրը
երիտասարդ NOC անունով սպիտակ կետն է:
Այդ կետը 7
տարի դելֆինների և մի քանի այլ կետերի հետ ապրել է գիտական կենտրոնի
ակվարիումում, որտեղ հաճախ են սուզվել ջրասուզորդներ և փորձարկել ստորջրյա
կապի համակարգը:
Գիտնականները ձայնագրել են NOC-ի
արձակած ձայները: Համակարգչի միջոցով ուսումնասիրելով դրանք և համեմատելով
մարդկային խոսքի հետ, զարմանքով հայտնաբերել,